ஞாயிறு, மே 17, 2009

வயநாடு பயணம் - என் பார்வையில் - பகுதி - II

நடிகர்கள: செல்வா, ராஜேஷ்,  பாலா,  பைஜு, அமித்,  அர்ச்சனா ராணி(இவர் படத்தில் ராணி என்று அழைக்கப் படுவார்), மீனு,  பாலாஜி,  கார்த்திக், 
அர்ச்சனா,  வெங்கட்,  கனகு,  சுஜய், லக்‌ஷ்மி,  டிரைவர்.
இயக்குநர்கள்: செல்வா, ராஜேஷ்.
விமர்சனம் தொடர்ச்சி:
 இரண்டாம் பாதி ஆரம்பிக்கும் போதே பார்வைக்கு மிக குளிர்ச்சியாக வயநாடு முழுக்க பனி படர்ந்து ஆரம்பிக்கிறது. ஏற்கனவே ஒரு நாள் பயணத்திலேயே கரைந்துவிட்டதால் சனிக்கிழமை அன்று நிறைய இடங்களை பார்க்க வேண்டும் என்று சீக்கிரமே கிளம்புகின்றனர். பல அலசல்களுக்கு பிறகு ஈடுக்கல் குகைகளை முதலில் பார்க்கலாம் என்று முடிவு செய்கிறார்கள். கிளம்புவதற்கு முன்பு காலை உணவை ஒரு சிறிய டீ கடையில் கேரளத்தின் சிறப்பு உணவுகளான புட்டு மற்றும் கடலை கறியை எடுத்துக்கொண்டார்கள். மேலும் கேரளத்தின் சிறப்பு பானமான சாய்யா(அதாங்க டீ)வையும் அருந்தினார்கள். பின்பு குகைக்கு கிளம்பினார்கள் (வேட்டையாட எல்லாம் இல்ல... சும்மா பார்க்கத்தான்) .
    
குகை இருந்ததோ 1000 அடிக்கும் மேல்... பயணம் சென்றிருக்கும் அனைவருமே மென்பொருள் பொறியாளர்கள். ஆகவே மிகவும் கஷ்டப்பட்டு ஏறிக்கொண்டு இருந்தனர். ஒரு காட்சியில் ராணி நடந்ததை காட்டும் போது அவர் மேலே குகைக்கு வருவாரா என்ற வினா எழுகிறது. ஆனால் எப்படியோ வந்து சேர்ந்து ‘முயற்சி திருவினையாக்கும்’ என்பதற்கு ஒரு எடுத்துகாட்டாக விளங்குகிறார். இவ்வளவு தூரம் ஏறிப்போன பிறகு குகையில் இவர்கள் பார்ப்பதற்கு என உருப்படியாக ஒன்றும் இல்லை. ஆனாலும் விடாமல் தங்களது கேமராவால் படங்களை சுட்டு தள்ளிக்கொண்டிருந்தனர். ஷங்கரின் அடுத்த படம் ஒரு யூத் சப்ஜக்ட் என்று யாரோ சுஜயிடம் சொல்லி இருக்கிறார்கள். அதனால் அவர் தன்னிடம் இருந்த ஜெர்கினையும் சன் கிளாசசையும் முடிந்த அளவு பயன்படுத்தினார். ரோபோவுக்கு பிறகு தெரியும் ஹீரோ ஆகிறாரா இல்லையா என்று ஒரு இனிய ட்விஸ்டை இந்த படத்தில் வைக்கின்றனர். 
     குகைப் பயணத்தை முடித்துவிட்டு அடுத்து குருவா தீவிற்க்கு செல்கின்றனர். தீவை பார்க்க போகிறேன் என்று வெகுதூரம் நடந்து செல்கின்றனர். ஏற்கனவே மதியம் ஆகிப் போனதால், அங்கு ஒரு ஹோட்டலில் சென்று உண்கிறார்கள். செல்லும் போதே பல கடைகளில் லெமன் சோடா, மாங்காய், இளநீர் என சாப்பிட்டுக் கொண்டே சென்ற போதும் ஹோட்டலில் வெளுத்தனர். அதுவும் பல மீன்கள் பாலாஜி, பைஜு மற்றும் கனகு-வின் பசிக்கு இரையாகின. சாப்பிட்டு முடித்த பின் தீவில் இருந்த தண்ணீர் பகுதியில் நடக்க ஆரம்பித்தார்கள். அதை கடந்து சென்ற பிறகு தான் தெரிகிறது படத்தில் இருக்கும் திருப்பம். நாம் நினைத்ததை போல குருவா தீவு ஆரம்பிக்கவில்லை. அந்த தண்ணீரை கடந்த பிறகு தான் ஆரம்பிக்கிறது. அங்கு டிக்கெட் வாங்க வேண்டும். ஆனால் தண்ணீரில் நடக்க வேண்டியிருந்ததால் பணத்தை எல்லாம் வேனிலேயே வைத்துவிட்டு சென்றனர். அவர்கள் அங்கு சென்ற போது மணி மாலை 4. 4.30 மணிக்கு பிறகு யாரையும் உள்ளே அனுமதிப்பதில்லை என சொல்லிவிட்டனர். ஆகவே அவர்களால் காசை எடுத்து வரவும் முடியவில்லை. பாலாவிடம் மட்டும் 90 ரூபாய் இருக்கிறது. ஆனால் ஒரு டிக்கெட் 10 ரூபாய் என மொத்தம் 140 ரூபாய் தேவை படுகிறது. கடைசியில் அவர்கள் ‘அரை ' டிக்கெட்டில் சென்றனர். பல ஆயிரங்கள் வேனில் இருக்கும் போது டிக்கெட் வாங்க காசு இல்லாமல் இவர்கள் படும் இந்த இன்னல் ‘வேதனை வேதனை’ என்று நம்மை அவர்களுக்காக பரிதாபப் பட வைக்கிறது. பின் அங்கு வரும் அவர்கள் நிறுவனத்தை சேர்ந்த இன்னொரு குழுவினரிடம் சமயோசிதமாக(!!!!!!) 200 ரூபாயை வெங்கட் வாங்குகிறான். அதைக் கொண்டு அவர்கள் மாலை குளித்து முடித்து வந்தவுடன் தேநீர் அருந்த பயன்படுத்துகின்றனர்.
     இரவு வீட்டிற்கு சென்ற பிறகு அனைவரும் சாப்பிட செல்கின்றனர், அதாவது விலங்குகள் வேட்டைக்கு செல்கின்றனர். சிலர் மட்டும் சைவம் சாப்பிட செல்ல மற்ற் அனைவரும்(நேற்று வேட்டையாடிய அதே கூட்டம்) அசைவ ஹோட்டலிற்கு சென்றனர். இம்முறை மாடு தப்பித்தது(மெனுவில் இல்லை). ஆனால் அதற்க்கெல்லாம் சேர்த்து கோழியும், மீனும் காலியானது. சுஜய் சிக்கன் தான் பிடிக்கும் என்று கோழியை அமித்துடன் சேர்ந்து ஒரு பிடிபிடிக்க, பைஜு-வும், பாலாஜியும் மீன் இனத்தை அழித்துக் கொண்டு இருந்தனர். பாலாஜி ஒவ்வொரு முறையும் ‘பைஜு மீன் நல்லா இருக்குல்ல’ என்று சொல்லும் போதும் அடுத்த மீன் ஆர்டர் செய்ய போகிறார் என்று அர்த்தம். ஆனால் கனகு இது எதை பற்றியும் கவலைபடாமல் ஆர்டர் செய்த அனைத்தையும் ‘சுவாஹா’ செய்து கொண்டிருந்தான். மற்றவர்களும் புகுந்து விளையாடினார்கள்.
    சாப்பிட்டு முடித்துவிட்டு வெளியே வந்த பிறகு நடந்து செல்லலாம் என்று முடிவு செய்கின்றனர். அதனால் டிரைவரிடம் சென்று நாங்கள் செல்கிறோம் நீங்கள் வேறு ஓட்டலுக்கு சென்றிருப்பவர்களை கூட்டி வாருங்கள் என்று சொல்கின்ற்னர். ஆனால் அவரோ 5 பேருக்கு எல்லாம் வேன் தேவையில்லை என வண்டியயை கோபமாக ஓட்டி செல்கிறார். பின்பு தான் தெரிகிறது ஓட்டலுக்கு செல்லும் போது எப்படியோ டிரைவரை விட்டு விட்டு சென்றது தெரிய வருகிறது. பின்பு ரூமுக்குசென்ற பிறகு சுஜய், பாலாஜி மற்றும் பைஜு சமாதான புறாக்களாக மாறி நிலைமையை சரி செய்கின்றனர்.
   இரவு உட்கார்ந்து சீட்டாட துவங்கும் இவர்கள், 1 மணி வரை ஆடிவிட்டு தூங்க செல்கின்றனர். அத்துடன் இரண்டாவது பகுதி நிறைவடுகிறது. 
                                                           - பயணம் அடுத்த பகுதியில் நிறைவடையும்.......

7 பேர் என்ன சொன்னாங்கனா:

நட்புடன் ஜமால் சொன்னது…

சிவப்பின் பின்னனியில் படிப்பதற்குள்

...

முடிஞ்சா மாத்துங்க பாஸ்

kanagu சொன்னது…

anna.... maathiten :)
ipa padika mudiyutha nu sollunga :)

viji சொன்னது…

ade kadavule.. yen intha kola very?? motalaiya nalla iruntathu.. PLS CHANGE THE BG. RED IS MUCH MORE BETTER

viji சொன்னது…

ippo thaa padicu mudichen... konjam kooda taram kuraiyamal part 1 maatri super aah iruntatu.. nan nalla sirichen. =)

Aparnaa சொன்னது…

potos enganne?? Drivera ipdi ambonnu vithuthu poiteengale?? avar ungala amboonu vithuthu pona ungalukku epdi irukkum?? :P Epdi inda punchu??

Karthik Lollu சொன்னது…

nalla vela.. saapdura potos potu en vayithericala kothikala... :)

kanagu சொன்னது…

@Viji

/*ade kadavule.. yen intha kola very?? motalaiya nalla iruntathu.. PLS CHANGE THE BG. RED IS MUCH MORE BETTER*/

thayavu seithu Jamaal anna vin comment ah padinga... neenga ellarum sendhu oru template choose panni kodutheenga na athaye pottudalam :)
nallatha choose pannuveenga nu namburen :D

/*ippo thaa padicu mudichen... konjam kooda taram kuraiyamal part 1 maatri super aah iruntatu.. nan nalla sirichen. =)*/

mikka nandri :)

@Aparnna

vaanga vaanga :)

/*potos enganne??*/
adutha part la podurom :)

/*Drivera ipdi ambonnu vithuthu poiteengale?? avar ungala amboonu vithuthu pona ungalukku epdi irukkum?? :P Epdi inda punchu??*/

nalla vela apdi yethum nadakala :) punch super :)

@Karthik

/*nalla vela.. saapdura potos potu en vayithericala kothikala... :)*/

adutha partil undu :)